Серіктестер және жұмысқа орналасу
Авиациялық колледж 2000 жылдан бастап «Азаматтық авиация академиясы» АҚ-ның құрылымдық бөлімшесі ретінде қызмет атқарып келеді. Колледж авиация саласы үшін орта буын мамандарын даярлауға бағытталған техникалық және кәсіптік білім береді.
Құрылған күнінен бастап колледж 5 000-нан астам механиктерді, электротехниктерді, радиолокация және радионавигация мамандарын, сондай-ақ әуе тасымалын ұйымдастыру саласының мамандарын дайындады. Сонымен қатар, 2003–2014 жылдар аралығында 110-нан астам ұшқыш даярланды.
Соңғы үш жылдағы түлектердің орташа жұмысқа орналасу көрсеткіші 90%-ды құрайды. Оның ішінде 35%-дан астамы Академияда жеделдетілген бағдарлама бойынша білімін жалғастырады. Қазіргі уақытта колледжде 1 604 студент білім алуда, олардың 276-сы дуалды оқыту жүйесі бойынша оқиды. 2026 жылға жоспарланған түлектер саны — 575, ал 2025 жылғы жұмысқа орналасу көрсеткіші — 95%.
Азаматтық авиацияның қарқынды дамуы жағдайында заманауи әуе кемелеріне қызмет көрсете алатын және халықаралық авиация нарығында жұмыс істеуге қабілетті жаңа мамандықтар бойынша кадрларды даярлау өзекті болып отыр.
Мемлекет басшысының тапсырмаларына сәйкес техникалық және кәсіптік білім беруді дамыту бағытында Қазақстан Республикасының Білім және ғылым министрлігімен бірлескен жүйелі жұмыстар жүргізілуде. Жұмыс берушілердің сұранысына сай мамандықтар мен біліктіліктердің жаңа классификаторы жетілдіріліп, 3 жаңа мамандық пен 5 біліктілік енгізілуде. Атап айтқанда: ұшқышсыз ұшу аппараттарының операторы, ҰҰА техник-механигі, аэродромдық ұшу ақпарат қызметінің операторы, радиоэлектрик, радиоэлектрик-механик және авиациялық техниканы жөндеу маманы.
2021–2022 оқу жылынан бастап 11-сынып негізінде үш мамандық бойынша дуалды оқыту бағдарламалары іске қосылды. 2025 жылы дуалды жүйе бойынша 276 студент білім алуда, оның 75-і — жұмысшы мамандықтарында.
Колледж әлеуметтік серіктестік аясында кәсіпорындармен ұзақ мерзімді келісімшарттар жасай отырып, студенттердің тәжірибеден өтуі мен болашақта жұмысқа орналасуын қамтамасыз етеді. Келісімдер кәсіпорын ерекшелігіне қарай 1, 3, 5 жыл мерзімге немесе бұзылғанға дейін жасалады.
Наши партнёры
