"Азаматтық авиация академиясы"АҚ Авиациялық колледжі
"Азаматтық авиация академиясы" АҚ (бұдан әрі -- Академия) құрамында Қазақстан Республикасындағы орта буын авиация мамандары мен жұмысшы кәсіптерін даярлауды жүзеге асыратын жалғыз техникалық және кәсіптік білім беретін оқу орны (ТжКБ) болып табылатын авиациялық колледж (бұдан әрі -- Колледж) жұмыс істейді.
Колледжде АА5 сериялы №0103347 02.10.2009ж. орта білімнен кейінгі, техникалық және кәсіптік білім беру бағдарламалары бойынша білім беру қызметін жүргізу құқығына мерзімсіз қолданылу мерзімімен мемлекеттік лицензиясы бар. Лицензия 26.02.2025ж. KZ48LAM00001081 барлық мамандықтар бойынша қайта ресімделді.
Білім беру қызметі:
ТжКБ мамандарын даярлау жүзеге асырылады:
- күндізгі оқу нысаны және дуальды жүйе бойынша;
- мемлекеттік және орыс тілдерінде;
- мемлекеттік білім беру тапсырысы негізінде және ақылы негізде;
- негізгі орта (9 сынып) және жалпы орта білім (11 сынып) негізінде.
2000 жылы құрылғаннан бері колледжде 5000-нан астам техник-механиктер, техник-электриктер, радионавигация, радиолокация және байланыс техниктері, авиатасымалдауды ұйымдастыру жөніндегі агенттер;
• 2003-2014 жылдар аралығында - 110-нан астам шағын авиация ұшқыштары дайындалды.
Аккредиттеу және аттестаттау:
2020ж. Тәуелсіз аккредиттеу және рейтинг агенттігін институционалдық аккредиттеу;
2023 жылғы 21 ақпан --- Алматы қ. білім беру саласындағы сапаны қамтамасыз ету департаментінің мемлекеттік аттестациясы.
ТжКБ МЖМБС өзгерістері шеңберінде 6 мамандық және 14 біліктілік бойынша білім беру бағдарламалары өзектендірілді және әзірленді.
Білім беру бағдарламалары:
1. 07160800-Жердегі авиациялық радиоэлектрондық жабдықты техникалық пайдалану
- 4S07160802-Радионавигация, радиолокация және байланыс жөніндегі техник
- 4S07160803-Техник-электрик
2. 07161000-Әуе кемесіне техникалық қызмет көрсету және жөндеу
- 3W07161001- Авиациялық техниканы жөндеу жөніндегі слесарь-механик
- 3W07161002-Авиациялық техниканы құрастырушы-слесарь
- 4S07161003-В-3 санатындағы әуе кемесіне техникалық қызмет көрсету техник-механигі
- 4S07161004 -А санатындағы әуе кемесіне техникалық қызмет көрсету техник-механигі
3. 10410100-әуе тасымалын ұйымдастыру
- 3W10410101-Әуе тасымалдауларды сату және брондау агенті
- 4S10410102-Әуе тасымалын ұйымдастыру жөніндегі агенті
4. 07160900-Жердегі қызмет көрсету әуе кемесі
- 3W07160901 Жанар-жағар май материалдары жөніндегі зертханашы
- 4S07160902 Жанар-жағар май материалдары бойынша авиатехник
4. 07161100-Қашықтықтан басқарылатын авиациялық жүйе
- 3W07161101-Пилотсыз ұшатын ұшу аппараттарының операторы
- 4S07161102 -Пилотсыз авиациялық жүйелерді техникалық пайдалану жөніндегі техник-механик
5. 04130200-Логистика (әуе көлігі)
- 3W04130200-Операциялық логист
- 4S04130202-Экспедитор
Колледж контингенті барлығы: 1604 адам.
- мемлекеттік тапсырыс: 882
- ақылы оқыту: 722
| Көрсеткіш | 2023--2024 | 2024--2025 | 2025--2026 |
|---|---|---|---|
| Контингент | 887 | 1262 | 1604 |
| Дуалды оқыту | 133 | 165 | 276 |
| Түлектер | 215 | 282 | 575 |
| Қабылдау | 589 | 659 | 639 |
| Жұмыспен қамту | 94% | 94% | 95% |
2026 жылғы түлектер саны -578 адам.
Әлеуметтік серіктестік:
Отандық және шетелдік ұйымдармен ынтымақтастық туралы меморандумдар мен шарттар жасалды, соның ішінде:
"Air Astana" АҚ, "SCAT" АҚ, "Қазавиаспас" АҚ, "Алматы халықаралық әуежайы" АҚ, "№405 авиажөндеу зауыты " АҚ, Рига Көлік және байланыс институты (TSI), қырғыз авиациялық институты және т. б.
ҚР жетекші авиакәсіпорындарының базасында дуальды оқыту іске асырылады.
Материалдық-техникалық база:
- ЯК-40 оқу ұшағы;
- мамандандырылған зертханалар (авиациялық қауіпсіздік, қозғалтқыштар, электроника, радиомонтаж, ҰҰА, робототехника);
- лингафон кабинеттері;
- рентген-тексеру жабдықтары мен металл детекторлары.
Кадрлық әлеует
Педагог-зерттеушілерді, сарапшыларды, магистрлерді және жоғары санатты оқытушыларды қоса алғанда, оқытушылар құрамының сапалық құрамы 40% құрайды.