«PYTHON программалау тілінде 2 D ойынын құру» атты информатика пәнінен авторлық бағдарлама және «общая методика преподавания дисциплины «информатика» атты методикалық нұсқаулық

28.03.2025 жылы Авиация колледжінде «педагог- зерттеуші» санатына тапсыратын педагогтердің Білім басқармасы жанындағы сараптама кеңесімен бекітілген әдістемелік жұмыстардың педагогикалық тәжірибесін тарату бойынша семинар өтті. Семинарда информатика информатика пәнінің оқытушысы Суименова Лаура Ақылбаевна «PYTHON программалау тілінде 2D ойынын құру» атты авторлық бағдарламасын ұсынды. Бұл бағдарлама оқушылар мен студенттерге Python тілінің негізгі мүмкіндіктерін қолдана отырып, ойын жасау процесін үйретеді. Білім алушыларға логикалық ойлауды дамытуға, алгоритмдер мен деректер құрылымдарын түсінуге, сондай-ақ программалаудың практикалық дағдыларын меңгеруге мүмкіндік береді. «Общая методика преподавания дисциплины «Информатика»» атты методикалық нұсқаулықта информатика пәнін оқыту әдістемесі мен теориясы туралы толық мәлімет берілген. Бұл нұсқаулық педагогтар мен оқытушыларға информатика пәнін тиімді түрде оқыту үшін қажетті әдістемелік негіздерді ұсынады. Нұсқаулықта оқыту әдістері, ақпараттық технологияларды қолдану, оқушылардың білімін бағалау, және оқу процесін ұйымдастыруға қатысты пайдалы кеңестер бар екендігін атап өтті. Осы семинар арқылы педагогтар арасындағы тәжірибе алмасу мүмкіндігі туып, білім беру саласында жаңа тәсілдер мен инновациялық әдістерді қолдану маңыздылығы сөз болды.