Қош келдің; Әз-Наурыз!
Көктемнің шуақты мерекесі – Наурыз келді!
Бұл күн – жаңарудың, бірліктің, татулық пен достықтың символы. Халық дәстүрі бойынша Наурыз – қыстың соңын шығарып, жаңа жылды қарсы алу мерекесі. Мерекеде дастархан жайылып, ұлттық тағамдар дайындалып, түрлі ойындар мен салт-дәстүрлер көрсетіледі. Әр отбасы мен қауым бір-біріне ізгі тілек айтып, қуанышқа кенеледі. Наурыз – тек мереке ғана емес, ол халықтың рухани тірегі, салт-дәстүрі мен мәдениетінің айнасы.
2026ж. 18 наурыз күні Авиация колледжінде «Тілдер» ЦӘК онкүндігіне орай
қазақ және ағылшын тілдерінде «Қош келдің, әз-Наурыз» атты іс-шара өтті.
Мақсаты: Наурыз – береке мен бірліктің, татулық пен мейірімділіктің мерекесі екенін студенттер бойына сіңіру, тілдерін дамыту. Іс –шарада ұлттық билер мен әсем әндер айтылып, күмбірлеген күйлер ойналып, ертегі кейіпкерлерін сомдау арқылы көрініс көрсетілді.